ဧရာဝတီမြစ်ကမ်းနံဘေး နေလုံးနီနီကြီးဝင်ခဲ့ပြီ။ သို့သော် လက်ကျန်ရောင်နီတန်းတွေဟာ လက်ညှိုးထိုးမလွဲ စေတီပုထိုးတွေအပေါ် လွှမ်းခြုံဖြန့်ကြက်ထားသော မြင်ကွင်းကိုတော့ နိုင်ငံအနှံ့အပြားက ခရီးသွားတွေလာရောက် ကြည့်ရှုရစမြဲ

ပုဂံသည် မြန်မာလူမျိုးတိုင်းအတွက် တန်ဖိုးထားစရာ ရှေးဟောင်းနယ်မြေပင် ဖြစ်လေသည်။

ကမ္ဘာတွင်လည်း မြန်မာဟုဆိုလျှင် ပုဂံကိုသိကြစမြဲ။

ပုဂံဟူသော အမည်မှာ ပျူဘာသာစကားဖြင့် မှည့်ဆိုထားခဲ့ခြင်းဖြစ်ပြီး ပုဂံကိုစတည်ထောင်သော သမုဒ္ဒရာဇ်မင်းက ပုဂံဟုမသတ်မှတ်ခင် ရှေးအခါကမူ ပေါက္ကံပြည်ဟု အမည်တွင်စေခဲ့ပြီး ပျူစောထီးလက်ထက် ငှက်ကြီး၊ ဝက်ကြီး ရန်တို့ကို နှိမ်းနှင်းအောင်မြင်ခဲ့သောကြောင့် အရိမဒ္ဒနာပြည်ဟူ၍လည်းကောင်း၊ သေလည်ကြောင်မင်းလက်ထက် မြို့တော်ကို နေရာပြောင်းရွှေ့ကာ သီရိပစ္စယာဟူ၍ တစ်မျိုး၊ သာရမွန်ဖျား မင်းလက်ထက်တွင် တမ္ဗဝတီဟူ၍လည်းကောင်း၊ ဆန်ရေစပါးပေါကြွယ်ဝသောကြောင့် ပုဏ္ဏဂါမဟူ၍လည်းကောင်း အမည်တွင်စေသည်။

အနော်ရထာမင်း လက်ထက်တွင်မူ ပုဂံဟူ၍ ခေါ်တွင်စေခဲ့သည်။

ပုဂံခေတ်မှာ ခရစ် ၉ရာစုမှ ၁၃ရာစုအထိ နှစ်ပေါင်းလေးရာကျော် ကြာမြင့်ခဲ့ကာ မင်းဆက်ပေါင်း ၅၆ဆက် ဆက်ခံခဲ့ပြီးနောက် ၅၇ဆက်မြောက်တွင်မူ မွန်ဂိုတို့၏ ကျူးကျော်တိုက်ခိုက်မှုကြောင့် ပုဂံပြည်ပျက်သုဉ်းကြောင်း သမိုင်းရာဇဝင်များတွင်ဖော်ပြထားပါသည်။

လှည်းဝင်ရိုးသံ တညံညံပုဂံဘုရားပေါင်းဟူ၍ ငယ်စဉ်အခါက သင်ကြားမှတ်သားခဲ့ရသလို ဘုရားအရေအတွက်မှာ ၄,၄၄၆,၇၃၃ဆူ မရှိတော့ဘဲ ၂၂၀၀ကျော်လောက်သာ ကျန်ရှိတော့သည်။

ပုဂံမှာ မန္တလေးတိုင်းဒေသကြီး၊ ညောင်ဦးမြို့နယ်အတွင်း ဧရာဝတီမြစ်၏ အရှေ့ဘက်ကမ်းတွင် တည်ရှိသည်။

ပုဂံမြို့ စတင်ဝင်ရောက်သည်နှင့် တွေ့ရှိရသော သရပါတံခါးနှင့် မြို့ဟောင်းနေရာများကို မြင်တွေ့ရသည်နှင့် ရှေးအခါက ပုဂံပြည်၏ ကြီးကျယ်ခမ်းနားပုံကို ခန့်မှန်းနိုင်ပေသည်။

တစ်ခေတ်တစ်ခါက ပုဂံပြည်၏ စီးပွားရေး၊ လူမှုရေး၊ စစ်ရေးတို့မှာ အင်အားတောင့်တင်းခဲ့ပြီး တိုင်းပြည်၏ အဓိကစီးပွားရေးမှာ စိုက်ပျိုးရေးဖြစ်ခဲ့သည်။

နိုင်ငံမှပိုလျှံသော ကုန်ပစ္စည်းများကို အခြားသော တိုင်းပြည်များနှင့် ကုန်သွယ်မှုပြုလုပ်ခဲ့ပြီး နိုင်ငံရပ်ခြား တိုင်းပြည်များ ဖြစ်ကြသော မလေး၊ အိန္ဒိယ၊ တရုတ်၊ အာရေဗျ တို့နှင့်လည်း ကုန်သွယ်မှုပြုလုပ်ခဲ့ကြသည်။ ကုန်သွယ်မှုအပြင် သံတမန်ဆက်ဆံရေးကိုလဲ ထူထောင်ခဲ့ကြသည်။

ပုဂံရာဇဝင်များတွင် ပုဂံပြည်အကြောင်းကို အမျိုးမျိုး ဖော်ပြရေးသားခဲ့ကြကာ လေ့လာမှတ်သားစရာ မကုန်နိုင်ပေ။

ပုဂံမြေကို ခြေချမိလိုက်သည်နှင့် ရှေးဟောင်းအငွေ့အသက်များနှင့် လွမ်းမောဖွယ်ရာ အတိတ်တွေကို တရေးရေး မြင်ယောင်စေပါသည်။

ပုဂံတွင် လေ့လာစရာများအနေဖြင့် ထင်ရှားသည့်စေတီပုထိုးများအပြင် မထင်ရှားသော်လည်း စိတ်ဝင်စားဖွယ်ရာဇဝင် အသီးသီးရှိနေသော စေတီပုထိုးများကိုလည်း လေ့လာနိုင်ပေသည်။

ပုဂံမြေကို ခြေချမိသည်နှင့် ထနောင်းပင်တန်း၊ ကန္တာရဆူးပင်၊ မန်ကျည်းပင်၊ ကုက္ကို၊ တမာပင်တို့ကို တွေ့မြင်ရပြီး ထိုအပင်တို့မှာ အညာသင်္ကေတများ ဖြစ်ကြသည်။

ဗိသုကာလက်ရာအကျော်အမော်တို့ ရှေးယခင်ကပင် ပေါ်ထွန်းခဲ့သည်ကို ပုဂံရှိစေတီပုထိုးလက်ရာများကို ကြည့်ရှုမိသည်နှင့် သိမြင်နိုင်ပါလိမ့်မည်။

ပုဂံရှိထင်ရှားသောစေတီပုထိုးများအနေဖြင့် အာနန္ဒာ၊ ဗူးဘုရား၊ လောကနန္ဒာစေတီ၊ ရွှေစည်းခုံ၊ ရွှေဆံတော်၊ မင်္ဂလာစေတီတော်၊ တုရင်းတောင်စေတီ၊ ကျောက်ဂူဥမင်ဘုရား၊ ငှက်ပစ်တောင်၊ ထီးလိုမင်းလိုဘုရား၊ အလိုတော်ပြည့်၊ မြစေတီ၊ မနူဟာ၊ ပြသာဒ်ကြီးဘုရား၊ ဂူပြောက်ကြီးဘုရား၊ ကန်တော့ပုလ္လင်ဘုရားတို့ ဖြစ်ကြပြီး မြန်မာလူမျိုးတို့အနေဖြင့် တုရင်းတောင်၊ ရွှေစည်းခုံ၊ တန့်ကြည်တောင်နှင့် လောကနန္ဒာ ဘုရားလေးဆူကို နေ့မကူးခင် တစ်နေ့တည်းဖူမြော်ပြီး လိုရာဆုတစ်ခုထဲတောင်းသော် ပြည့်ဝသည်ဟု အယူအဆ ရှိပါသည်။

ပုဂံရောက်လျှင်ဖြင့် လည်ပတ်ကြည့်ရှုစရာ မကုန်နိုင်အောင် များပြားလှပြီး ရောက်ဖူးနေကျ ထင်ရှားသည့် ဘုရားတွေအပြင် အရောက်အပေါက်နည်းခြင်းနှင့် မထင်ရှားလှသော်လည်း စိတ်ဝင်စားစရာ သမိုင်းကြောင်းနှင့် စေတီပုထိုးတွေလည်းလေ့လာနိုင်ပါသည်။

ပုဂံကိုအခေါက်ခေါက် ရောက်ပေမယ့် အချိန်သိပ်မရသည့်အတွက် နီးစပ်ရာ အထင်ကရနေရာတွေကိုသာ သွားရောက်လည်ပတ်ရာကနေ သွားရောက်နေကြမဟုတ်တဲ့ နေရာတွေကိုပါ သွားရောက်မည်ဆိုပါက ညောင်ဦးမြို့ ရွှေစည်းခုံစေတီ၏ တောင်ဘက်စောင်းတန်း အဆင်းလမ်းမရဲ့ အနောက်ဘက်တွင်တည်ရှိသည့် ကျန်စစ်သားဥမင်ကို သွားရောက်လေ့လာနိုင်သည်။

ခရစ်နှစ် ၁၁ ရာစုက တည်ဆောက်ခြင်းဖြစ်ပြီး ပုဂံတွင်တွေ့ရှိရသည့် ဥမင် ၂၁ ခုအနက် တစ်ခုအပါအဝင်ဖြစ်သည်။ ယင်းဥမင်မှာ ကျန်စစ်သား ပုန်းအောင်းနေရဖူးကြောင်း ဆိုခဲ့ကြပြီး ရှေးဟောင်းသုတေသနဌာနက ကျန်စစ်သားဥမင်ဟု အမည်ပေးထားပြီး ဥမင်၌နံရံဆေးရေးပန်းချီများကို တွေ့နိုင်ပြီး ဥမင်အတွင်းလိုဏ်ဂူပတ်လမ်းတွင်မူ အလင်းရောင်နည်းပါးသော်လည်း လက်ရာမြောက်လှသည့် နံရံဆေးရေးပန်းချီလက်ရာတွေကို တွေ့မြင်နိုင်သည်။ ညောင်ဦးမြို့၏ အရှေ့ဘက်နှစ်မိုင်ခန့်အကွာ ဧရာဝတီမြစ်ကမ်းနံဘေးတွင် တည်ရှိသော ကျောက်ဂူဥမင်မှာ ရှေးအခါက ဆရာတော်ကြီးများ တရားကျင့်ကြံအားထုတ်ရာ နေရာတစ်ခုဖြစ်ပြီး ဥမင်တွင်ကျောက်ဆစ်လက်ရာများ ထွင်းထုထားမှုကို မြင်တွေ့နိုင်ပါသည်။

ဝက်ကြီးအင်း ဂူပြောက်ကြီးဘုရားမှာ နားတောင်းများမင်း တည်ထားသည်ဟုဆိုပြီး အိန္ဒိယနိုင်ငံက မဟာဗောဓိစေတီတော်ပုံ တည်ဆောက်ထားသည်။ ဂူအတွင်း၌ ပုဂံခေတ်ပန်းချီလက်ရာများကို တွေ့မြင်နိုင်ပြီး နှစ်ကျိတ်ရှစ်ဆူဘုရားများ၊ ဗုဒ္ဓဝင်ဇာတ်လမ်း၊ ၅၅၀ ဇာတ်ကွက်တွေကိုလည်း တွေ့မြင်နိုင်သည်။ ပုဂံခေတ် ပန်းချီလက်ရာတွေကို လေ့လာနိုင်မည်ဖြစ်သည်။

ငှက်ပစ်တောင်၏ အရှေ့ဘက်တွင် ဆန်းပြားသည့်အမည်နှင့် သမီးဝှက်ဥမင် တည်ရှိပြီး သမီးဝှက်ဥမင် မြောက်ဘက်တွင်မူ မြားသဥမင်တည်ရှိသည်။

ယင်းဥမင်များကို သဲကျောက်တောင်နံရံများကို ထွင်းဖောက်ပြီး ပြင်ပမှ အုတ်ရိုးနံရံနှင့် စီကာထားပါသည်။ ဒဏ္ဍာရီတွင်မူ ပျူစောထီးက ကျား၊ ဝက်၊ ရှူးပျံ၊ ငှက် တို့ကို နှိမ်နင်းဖို့ လာရောက်ရာ ငှက်ကြီးကိုပစ်ရန်အတွက် မြားဦးချွန်သည့်နေရာကို မြားသဥမင်၊ ငှက်ကြီးရန်ကြောင့် သမီးကညာများကို ဝှက်ထားခဲ့သည့်နေရာကို သမီးဝှက်ဂူဟူ၍ ခေါ်ဝေါ်ကြသည်။ ဥမင်အတွင်း၌ ဗုဒ္ဓရုပ်ပွားပုံတော်များနှင့် ပုဂံခေတ်၊ အင်းဝခေတ်က နံရံဆေးရေးပန်းချီများကို လေ့လာနိုင်သည်။

ဖွားစောရွာအနီး၌ တည်ရှိသည့် ဓမ္မရာဇိကဘုရားမှာ ဉာဏ်တော် ၁၈၀ ပေ မြင့်ပြီး ခရစ်နှစ် ၁၁၉၈ တွင် နရပတိစည်သူမင်း တည်ထားခဲ့ခြင်းဖြစ်သည်။

ဘုရား၏ ဉာဏ်တော်မှာ မြင့်မားသည့်အတွက် အဝေးကပင် ကြည်ညိုဖွယ်ရာလှမ်းမြင်တွေ့နိုင်သည်။ ဘုရားပေါ်သို့ အနည်းငယ်မတ်စောက်သည့် လှေကားထစ်များစွာကို ဖြတ်ကျော်တက်ခွင့်ရပြီးနောက် ပုဂံစေတီပုထိုးများကို အပေါ်စီးကလှမ်းမြင် ကြည့်ရှုနိုင်သည်။

ယင်းနေရာမှာ ပထမပစ္စယံကမှ ပစ္စယံအဆင့်ဆင့် ဘေးဘက်များတွင် ဗုဒ္ဓဝင်ဇာတ်ကွက်၊ ၅၅၀ ဇာတ်နိပါတ်တော်တို့ကို စဥ့်သုတ်အုတ်ချပ်များနှင့် ကဗ္ဗည်းထိုးထားသည်ကို တွေ့မြင်နိုင်ပြီး အနီးနားတစ်ဝိုက်တွင်မူ မှင်စာ၊ နံရံဆေးရေးများကို လေ့လာနိုင်သည်။

မြင်းကပါရွာ၌ တည်ရှိသည့် မနူဟာဘုရားရာဇဝင်မှာ စိတ်ဝင်စားဖွယ်အတိဖြစ်ပါသည်။ မွန်မင်းဆက်၏ ၂၅ ဆက်မြောက် မနူဟာမင်းတည်ခဲ့ပြီး ကောင်းမွန်စွာထားရှိစေသည်။ စစ်နိုင်ဘုရင်က ဘုရားတည်ရန်အတွက် ခွင့်ပြုလိုက်ခဲ့သည့်အတွက် မနူဟာဘုရင်၏ နန်းစဉ်လက်စွပ်ကို သူဌေးတစ်ဦးဆီ ရောင်းချပြီး တည်ထားကိုးကွယ်ခဲ့ခြင်းဖြစ်သည်။

မနူဟာဘုရားကို ဝင်ဝင်ချင်းအပေါက်၌ ကြီးမားလှသည့်သပိတ်ကြီးကို တွေ့မြင်နိုင်ပြီး မနူဟာဘုရားကြီးကိုပါ ဖူးမြော်နိုင်သည်။ ဘုရားရုပ်ပွားတော်၏ မျက်နှာတော်ကို ဖူးမြင်တွေ့ရသည်နှင့် မနူဟာဘုရင်၏ မွန်းကြပ်မှု၊ စစ်ရှုံးဘုရင်တစ်ပါး၏ စိတ်အလိုမကျမှုတွေကိုပါ ရောယောင်ခံစားရစေမည်ဖြစ်သည်။

ကျောင်းပြဋ္ဌာန်းစာအုပ်များတွင် သင်ခဲ့ရသည့် မြစေတီကျောက်စာမှာမူ မြင်းကပါရွာ မြောက်ဘက်တွင် တည်ရှိသည်။ ရာဇကုမာရ်ကျောက်စာဟူ၍လည်း ခေါ်ဆိုပြီး ယူနက်စကိုမှ ကမ္ဘာ့အမွေအနှစ်စာရင်းတွင် ထည့်သွင်းသတ်မှတ်ခံခဲ့ရသည့် ကျောက်စာလည်းဖြစ်ပါသည်။

မြစေတီကျောက်စာတွင် မျက်နှာလေးဘက်ပါရှိပြီး ပါဋိ၊ မွန်၊ မြန်မာ၊ ပျူဘာသာတို့နှင့် မှတ်တမ်းတင်ထားသည်။ ကျန်စစ်သားမင်း၏ သားတော် ရာဇကုမာရ်က ဖခင်ကျေးဇူးကို သိတတ်သောအားဖြင့် မိမိပိုင်ရတနာများနှင့် ဗုဒ္ဓရုပ်ပွားတော်များ သွန်းလုပ်ပေးခဲ့ပြီး ယင်းကုသိုလ်အကြောင်းကို မြစေတီကျောက်စာတွင် ရေးထိုးထားခဲ့ခြင်းဖြစ်သည်။

မြစေတီကျောက်စာဘုရားအနီးတွင် တည်ရှိသည့် ဂူပြောက်ကြီးဘုရားမှာ ဂူအတွင်းကို ဝင်လိုက်လျှင် ကြည်ညိုသပ္ပာယ်စွာ တည်ရှိနေသည့်ဘုရားကို မြင်တွေ့ရမည်ဖြစ်ပြီး လျှပ်စစ်မီးမလိုပဲ သဘာဝအလင်းရောင်ကို ဘုရားတည့်တည့်ကျရောက်စေရန် လုပ်ဆောင်ထားသည့် ပုဂံခေတ် ဗိသုကာအစွမ်းကို မြင်တွေ့ရမည်ဖြစ်သည်။

ပုဂံဒေသရှိဘုရားအဆူတိုင်းမှာ စိတ်ဝင်စားဖွယ်သမိုင်းကြောင်းများ အသီးသီးကို တွေ့မြင်နိုင်ပါသည်။

ပုဂံဒေသကို သွားလာလည်ပတ်မည်ဆိုပါက အောက်တိုဘာလမှ မတ်လအထိ သွားရောက်လည်ပတ်ရန် အကောင်းဆုံးဖြစ်သည်။

ပုဂံသို့ရောက်ပါက ယွန်းလက်ရာအမျိုးမျိုးကို လေ့လာနိုင်သည့်အပြင် ပုဂံလက်ရာ ထမင်း၊ ဟင်းများကိုလည်း မြည်းစမ်းကြည့်နိုင်သည်။

အညာလက်ရာ ဟင်းများအပြင် အရန်ဟင်းအမျိုးမျိုးကို မြိန်ယှက်စွာ စားသုံးနိုင်သည်။

ပုဂံသို့ရောက်သည့်အခါ ပုဂံနေထွက်ချိန်၊ နေဝင်ချိန်များကို ဘုရားအဆူဆူပေါ်မှ ခံစားကြည့်ရှုပြီးမှသာ ပုဂံ၏ အနှစ်သာရမှာ ရုပ်လုံးကြွပီပြင်လာပေတော့မည် ဖြစ်ပါသည်။

ရည်ညွှန်း – china today