ကားမောင်းပြီး သွားလာသူများသည် စက်ဘီးစီးသူများထက် ကိုယ်အလေးချိန်ပိုများကြောင်း လေ့လာတွေ့ရှိပြီးနောက် ကားမောင်းသူများအနေဖြင့် ၎င်းတို့၏ အဓိကသွားလာမှုအတွက် စက်ဘီးစီးရန် စဉ်းစားသင့်သည်ဟု သုတေသီများကပြောသည်။ ယခုလေ့လာမှုကို ဗြိတိန်နိုင်ငံ လန်ဒန်ကောလိပ်ရှိ သဘာဝပတ်ဝန်းကျင်မူဝါဒစင်တာမှ ဒေါက်တာအော်ဒရီဒီနာဇယ်လီ ဦးဆောင် သည့် နိုင်ငံတကာသုတေသီများအဖွဲ့က ဥရောပတိုက်တစ်ဝန်း လူ ၁၁,၀၀၀ ခန့်ကို လေ့လာထားခြင်းဖြစ်သည်။ လေ့ကျင့်ခန်းမလုပ်ခြင်း၊ ကိုယ်လက်လှုပ်ရှားမှုမရှိခြင်းသည် ကျန်းမာရေးမကောင်းဖြစ်စေသည့် အဓိကအကြောင်းရင်းတစ်ခုဟု မှတ်ယူရသည်။ ကမ္ဘာ့ကျန်းမာရေးအဖွဲ့ WHO ၏ အဆိုအရ ကိုယ်လက်လှုပ်ရှားမှု မလုံလောက်ခြင်းသည် ကမ္ဘာတစ်ဝန်းသေဆုံးမှုများအတွက် အဓိကအန္တရာယ်များအနက် တစ်ခုဖြစ်ပြီး ကင်ဆာရောဂါ၊   နှလုံးသွေးကြောဆိုင်ရာရောဂါ၊ ဆီးချိုရောဂါနှင့် အ၀လွန်ဖြစ်နိုင်သည့် အန္တရာယ်များ မြင့်တက်လာနိုင်သည်။ ယင်းကဲ့သို့ ကောင်းစွာအသိပေးဖော်ပြမှုများ ရှိနေသော်လည်း ကမ္ဘာတစ်ဝန်း လူလေးဦးတွင် တစ်ဦးသည် လုံလောက်သော ကိုယ် လက်လှုပ်ရှားမှု ပြုလုပ်ရန် ပျက်ကွက်နေကြသည်။ အန်တ၀ပ်၊ ဘာစီလိုနာ၊ လန်ဒန်၊ အူရီဘရို၊ ရောမ၊ ဗီယင်နာ နှင့် ဇူးရစ်မြို့တို့ အပါအ၀င် ဥရောပတိုက်တစ်ဝန်းမြို့ ခုနစ်မြို့မှ အ ရွယ်ရောက်ပြီးသူ ၁၁,၀၀၀ ခန့်ကို သုတေသီများ လေ့လာရာတွင် ကားကို အဓိကအသုံးပြုပြီး သွားလာသူများသည် စက်ဘီးကို အဓိ က အသုံးပြုသွားလာသူများထက် ပျမ်းမျှကိုယ်အလေးချိန် ၄ ကီလိုဂရမ် (သို့မဟုတ်) ၈ ဒသမ ၈ ပေါင် ပိုလေးကြောင်း လေ့လာတွေ့ရှိခဲ့သည်။ လမ်းလျှောက်သွားခြင်း (သို့မဟုတ်) စက်ဘီးစီးသွားခြင်းကဲ့သို့ ကိုယ်လက်လှုပ်ရှားမှုပိုများသော သွားလာမှုပုံစံမျိုးကို ပြောင်းလဲခြင်းဖြင့် ကိုယ်လက်လှုပ်ရှားမှု ပိုအားကောင်းလာကာ ကျန်းမာရေးအကျိုးကျေးဇူးများ သိသိသာသာပိုလာနိုင်သည်ဟု သုတေသီများကပြောသည်။ လူအများ နေ့စဉ်သွားလာမှုများအတွက် လမ်းလျှောက်သွား ခြင်းနှင့် စက်ဘီးစီးသွားခြင်းကဲ့သို့ ကိုယ်လက်လှုပ်ရှားရသော သွား လာမှုပုံစံများဖြစ်လာအောင် လုပ်ဆောင်ပေးခြင်းက ကမ္ဘာတစ်ဝန်း ကိုယ်လက်လှုပ်ရှားမှုနည်းပါးခြင်းပြဿနာကို တိုက်ဖျက်ရန် စစ်မှန် သော အဖြေတစ်ခုဖြစ်နိုင်သည်ဟု သုတေသီများကပြောသည်။ ဖိုးသူတော် (www.phothutaw.com) Credit:7Day Daily